SILEK MARAPI NAN BANAGO
logo silek marapi nan banago
Koto Labuah
Kamis, 13 April 2017
Minggu, 01 Maret 2015
Kamis, 04 Desember 2014
Pasambahan & Parundingan Minangkabau 3
Kila Kamakan
1.Si alek
Balayia kapa dari hulu malayang lalu kamuaro
dibao urang kabalai akat tampak nan dari koto tuo nak singgah kabalai
gurah,tuan mananti lah dulu karano kopi kadi minum kato dibao mufakat kapado
niniak dengan mamak sananglah rundiangan naknyo sudah.
Si Pangka
Manggaga tabik
nyo bulan mancahayo kadalam rimbo turun lah rajo dari jambi langkok jo alek
pakaian lalu mamakai payuang kuniang,padang basisiak kiri kanan , tarabik kato
dari ambo tahanta kapado tuan,dituan balun tarimo kironyo tuan balalaikan nak
nyo lamo panitahan.
2. kapa siapo di lautan pacah parampek
pangarang malenggang rupo cando karalang curu pakabaran dari hulu diambiak hati
namun cubo lah tanam dirusuak rumah pautan kudo sigo dompak.usah baitu kato
tuan,papatah lah lamo kito danga undang lah lamo kito tuntuik,kapado ninniak
dengan mamak,lamak kato di paiyokan biaso panjang di pasingkek usah lan tuan
pancameh bana.
Dari jawa
kanbanda ruhun kaparang tiku pariaman sarek muatan saisi nyo dibongka dipulau .palairari
kiriman rajo dari hulu tuan mambao jo mufakat salayua siriah,diganggam kaba
dimano nan kadapek bicaro nan mano ambo nanti apo bana mukasuik tuan eloklah
tuan manarangkan.
3. pasa dibaliak gunung ameh takana sabatang
payuang putiah ,payuang angkatan dari rajo.pucuak diguntiang awan
putiah,tuan jan cameh bana kito
dihadapan niniak mamak kito dibao jo mufakat putuih samalam nangko jo barang
kandak lai kabuliah.
Jaguang tiriai batumpuak puan ,poan batampuak
aso-aso,carano cangkia dari padang ,dikarang bungo katangkainyo ,kalu baitu
kato tuan ,sio sio lah kami jo bicaro,hijab lah sungguah dalam hati ,bana
dimano nan ka iyo,as alai buliah pinta kami,koto nan usah dilalaikan ,jawab
sugirolah handaknyo.
4. tabang lah buruang ateh rajo ,tabang
mambuang ka kampuang cino,rajo mamandang barhadapan puti maliek talalu
heran,barakait kabasaran niniak mamak,aka jo budi kok nyo hilang antah talalai
sakutiko,antah talambek maantakan maaf di pinta dari tuan.
Kapeh dilaman
anjuang pilat,kasuntiang rajo cino ,bulando parang kabintuangan ,dapek parantah
dari rajo,tuan mambao jo mufakat jo pambek ambo mananti,sugirolah tuan maantakan baiak nikmat suko dalam hati
ambo,dipuji tuan salamonyo…
5. badirilah rajo di nagari ,hukum nan
tasabuik ,duduak mahukum rajo kuantan,bantah-bantah,palalai kaduonyo tampak nan
dari balai akad,nak singgah kabalai gurah ,takuiklah ambo kanai puji ,urang
tapuji sangkuik pauik ,urang lapeh baitu hukum kitabullah , baitu adat
salamonyo ,itulah mangko jo mufakat mananti tuan dengan saba.
Tabadia lah buruang itu namonyo,tibo ditanah tabang pulo ,tatak
rauri perak balantak,sutan jo bagindo indak katahuan karanonyo sampai ma hukum
rajo kuantan ,sabuliah lai pintak ambo ,usah lah kito barundiang panjang .jokok
bapakai nan baitu usah lah kato dilalaikan,jawab sagirolah hendaknyo.
6. bungo sabatang dalam kolam ,tampak nan dari
banu ampu ,kadunia cahayo malimpah ,diguntiang anak bidodari , kalau baitu kato
tuan ujuang ilia pangkalah ragu alah kuwalahan pambarinyo.
badanciang bumi dilandrat,rono batulih
campuran,bulan kilek malingka,ajuan taruih indaklah dunia kanai paneh,sukolah
hati bidodari.tuan tagak jo mufakat ,pintak ambo katuan lalaikan ,tapi
sungguahpun baitu ,sapatah pulo nan dimintak ,sugirolah tuan maantakan ,tak
dapek tuan batangguah sabab tapakai dalam adat,pusako tak dapek kito ubah baitu
warih ditarimo.
7. ayam banamo ayam biriang,turun mancotok
kapimatang,babarih cando bintak timur,tabik bintang karang tigo,ambayang runo
ateh mayang sonsang lalu kabangkalis,kito habisilah rundingan ,kok mufakat
katokan,anggak kok lambek manjadi daulu,putih samalam nangko juo kandak lai
balaku.
Badeta caro
palangai baturap lagi basuji mamakai pakaian yang kaemasan cancan dua
saragi,kini tuan lalai kan jo jokok nan bapakai nan baitu kumbali sambah pado
tuan.
8. batamu rajo dengan toalan banyak rundiang
jo parintah di ambiak undang sarato tambo ,dari sabablah lapeng buruang tabang
sadikit antah moh hampia sanang lah hati rajo ali usah lah baitu kato tuan
.disasak ambo dengan aka,diambiak pulo dinan tarang lanteh pangan habih lapang
tak buliah di bicarokan sampik tak buliah dipikiri bana dimano ambo adokan
pulang maklum pado tuan…
Tarantang
kawek kamuaro , sambuang basambuang
dengan perak,dikirim kaba dari arab ujuangnyo sampai katapian ,kalau baitu kato
tuan .karano kito baantaro kok lambek ciek jo duo,kok lah elok dicurai di
papahkan supayo nak sanang parantian.
9.
balai kapa rajo barat manyongsong kapa rajo ruhun tiang tambago,aso-aso kappa balayia
bunyi ribuik patah tatimpo pandayuang perak,bapai pulo jano undang . manjadi
papatah niniak mamak adat angah dibao bamanuang sumpah palito kito jokok
bapakai nan baitu,sifat mananti malah ambo.
Tarabik bintang
pukua ampek ,fajar tabik murai bakicau,sadang manjadi bunyi barabah,tampak lah
puti pulang mandi sarangkek dengan bintang timur ,sakabek dengan matohari ,alla
huwalam cahayonyo.pintak ambo kok lai balaku kato nan usah dilalaikan ambo
tarimo baiak baiak tidak lah siang jo malam di pasuntiang jago dengan tidua
alah kasanangg hati tuan.
10. baju balundo rono sikalat dengan sikalat
dengan tiang anak rajo bantan.kiriman rajo dari perak saualah tuan mananti
,kato di bao jo mufakat .sabalun kato
balun habih,indak kalamo pintak janji putuih samalam nagko tuan.
Malatuih gunuang
di batawi tapattan kappa dari hulu batamu nahkodo nan barampek mambukak undang
sarato tambo,manantikan undang palaraian.pintak tuan bana sakali lamak siriah
lega carano lamak kato lega bunyi nyo
sapatah pulo nan dimintak kato taladuang jo mufakat pabilo maso nangko
kapututih elok lah tuan manarangkan supayo sanang parantian.
11. rajo ali manguntiang baju kiriman rajo
dari perak di bao nahkodo pai balayia nak singgah karumah puti ,kalau baitu
kato tuan bajanji kito dahulu salamo daun bio masak sapulang urang balayia
sagitu lamo kito bajanjikan tuan.
Cangkia ameh
cawan duangngo dibao nahkodo pai balayia nak singgah karumah puti ,tahun mano
musim pabilo mangko pulang urang balayia nak samo ambo manantikan tuan.
12. kain ameh turapnyo tigo ditanun anak
bidodari di tangah tangah batali aia barendo barapi rapi di bulan zulhijjah
tampek nabi kito di bulan muharram di ateh unto di bulan syafar hampia lah tibo
sagitu pulang urang balayia tuan.
Kapa
sirantiah kapa jambi balai kaselatan nak singgah karumah puti kalau situ lamo
janji tuo ranggaek manantikan ambo maingek alah lupo pulo tuan…
13. sika duduak rajo malako ditanam di tapi
pakan dibao nak rang kabalai akad piriang bakulit batampuah perak siriah
basusun di carano,tuan duduak badakok jo nan tuo bakeh mamintak sapanjang adat
jangan mangasan babicaro mananti ambo sadapeknyo.
Batulak kapa
di kuantan banyak bulando di parutuih tabukak tiang tigo lampih kappa balayia
tangah malam tampak palito dari jauah amat tapi dalam hati,banyak lah kato
tabangkalai sungguah baitu kato tuan,ingatti pucuak kok tarampeh kok tagak
batungkek barih bajalan di alua patuik tumbuah dicupak kito lakeh tumbah di
paham jo mufakat aia satitiak jan manih paham salajuik usah tampak kok lamak
samo kito makan jokok bakain baju sifat mananti malah ambo.
Silahkan dwnload kila kama kan word di bawah ini :
Rabu, 03 Desember 2014
Pasambahan & Parundingan minang kabau 2
Parundingan
Kamatian
(manyanguak)
Sutan : ma Malin.
Malin : Lai.
Sutan : Nak
barundiang jo Malin sapatah.
Malin :
Lalukanlah.
Sutan :
Parundiangan nan ka dilaluan bakeh Malin
kini maagak hari sahari nangko,mujua indak dapek di raiah,malang indak dapek di
tulak,alah tarangkuah kito ka nan malang alah ba pulang orang tuo kito kawarah
matullah.
Kok mati islam namonyo lah dibujua ditangah
rumah nangko.pun baato hanyo lai satantangan jo diri kami datang manyanguak kok
ado khilaf khilafan jo baliau sahinggo talantak kaniak tasingguang katurun atau
kasalahan baiak di sangajo atau indak..
Minta
rela jo maaf kapado ahli warih,satantangan jo diri baliau jo kami nan basamo
kok ado khilaf-khilafan atau kasalahan baiak di sangajo atau indak disangajo
alah labiah dulu di maafkan….
Alah itu bana nan kadibanakan bakeh Malin…
Parundingan
Kamatian
(DI PUSARO)
Malin :
Ma Sutan
Sutan :
Lai…
Malin :
Barundiang jo Sutan sapatah.
Sutan :
lalukanlah
Malin :
parundingan nan kadilaluan kabakeh Sutan
maagak hari sahari nangko mujua tak dapek diraiah malang indak dapek
ditulak,alah bapulang orang tuo kito kawarah matullah.kok mati islam namonyo
lah dibujua,dikafani di sumbayangkan di anta katanah sirah,lalang nan
rampai,rumpuik nan lendo.
Pun
baato hanyo lai dek tampek duo nan tapakai.Partamo tampek bapaneh,kaduo tampek
balinduang.kok di kaji tampek nan bapaneh karajo iyolah sakiro salasai.baa
kiniko iyo nak mangisakan niniak jo
mamak sarato kito nan hadang adok katampek balinduang.
Itu bana rundiang dianta bakeh Sutan…
Jawab :
dululah sipangka kami iriangkan dibalakang tapi kok ado nan pai jo
mufakat tingga jo
rundiangan alah kadalam adat.
Silahkan dwonload word parundingan kamatian di bawah ini :
Pasambahan & Parundingan Minangkabau 1
parundingan
Parundingan Kamakan
Si pangka :
Ma sutan
Si Alek :
Lai
Si pangka :
Nak Barundiang Jo sutan Sapatah
Si Alek :
Laluan lah malin
Si pangka:
Sungguah pun sutan tampek ambo surang manibokan parundingan alah sarapek ninik
jo mamak,sarato angku kito na tuo-tuo,sarato kito nan bakarapatan…
sah taatok tabilang gala lambek,lai taatok tabilang
gala,artinyo bana tampek samporononyo parundingan yang tibo bakeh sutan.
Buah rundingan nan kadilaluan kabakeh sutan kini ko mangako
di kajilah diujung nan bapuun paneh nan barasa silang nan bapangka karajo nan
bapokok.
baa di ateh pihak sipokok alah mancari ari nan baik kutiko
nan elok,sakarang ari nan baiak alah tibo kutiko nan elok pun alah datang.
mangko dilapehlah nan capek kaki nan ringan tangan untuk
manibo kan siriah man datangkan padah pado kampuang nan ba umupuk nagari nan ba
jorong,baa di urang itu alah tampek manyaramponoi,kok dibilang samparono nyo
siriah katangah alah bakunyah rokok bagiliang alah baisok. Pun baato hanyo lai
pandang jauh alah balayangkan pandang dakek lah di tukiak kan…
Satantangan jamba nan katangah iyo lah elok di samparonoi..
Si Alek :
Alah sampai malin…
Si pangka :
Alah..
Si Alek : Tapi kok dulu kato basitinah,kudian
kato basi capek,capek
Capek juo sampainyo bakeh malin……
Si pangka :
Rancak capek
Si Alek : indak dirancak
capek…Sabanyak buah parundingan malin
nan
taanta kabekeh ambo..
mangako di kajilah diujung nan bapuun paneh
nan barasa silang nan bapangka karajo nan bapokok. baa di ateh pihak sipokok
alah mancari ari nan baik kutiko nan elok.
sakarang ari nan baiak alah tibo
kutiko nan elok pun alah datang.mangko dilapehlah nan capek kaki nan ringan
tangan buek manibo kan siriah man datangkan padah pado kampuang nan ba umpuak
nagari nan ba jorong.
baa
di urang itu alah tampek manyaramponoi,kok dibilang samparono nyo siriah
katangah alah bakunyah rokok bagiliang alah baisok.
pun
baato hanyo lai,ma agak ari sahari nangko santantangan jamba nan katangah
iyolah mintak di samparonoi.
kan baitu bana lalunyo
malin..
Si pangka : iyolah
Si Alek : Ma Malin…
Si pangka : Lai
Sialek : Sabanyak buah parundingan
malin nan taanta bakeh ambo.. iyolah manuruik undang dan bapakai dalam cupak
nan barisi.
Tapi sungguah pun dalam adat
nan bapakai dalam cupak nan barisi, karano biaso juo lamak siriah lega carano
lamak kato lega bunyi nyo.
Kato di ambiak jo mufakaik ,
dibao kato jo ba iyo,di japuikan kato ka ana tuo –tuo maagak kabarinyo alah
kadalam adat malin…
Si pangka : Dalam adat…
Si Alek : dek ambo duduak duo jo
batigo sarato ninik jo mamak.kato ka diambiak jo mufakaik dibao kato jo baiyo
maagak kabarinyo basa malin mananti…
Si pangka : Alah sampai Sutan…
Si Alek : Alah…
Si pangka : Tapi kok dulu kato basitinah,kudian
kato basi capek,capek
Capek juo
sampainyo bakeh Sutan…
Si Alek : Rancak capek
Si pangka : Indak rancak capek,sabanyak buah rundingan
ambo dan tibo bakeh sutan.baa disutan lai mangatokan dalam adaik nan bapakai
dalam cupak nan barisi.
Tapi
sungguah pun dalam adaik nan bapakai dalam cupak nan barisi karano biaso juo
lamak siriah dikunyah kunyah lamak kato dipakatokan.
Si Alek : iyolah…
Si pangka : tapi dek sutan ado duduk duo jo batigo ka ambiak kato jo
mufakaik mambao kato jo baiyo jo ninik dengan mamak nan dalingka duduk kan
baitu bana lalunyo sutan..
Si Alek : iyolah
Si pangka : lah bagarih nan bapaek nan barakuak nan
batabang lah
dikandakai bana sutan.
Si Alek : dek diambo kato kataengong malin
kaduduak mananti
basaba malin mananti.
Si pangka :
Basaba malah…
Mampalega
parundingan
Sutan :
Ma naro…
Naro :
lai…
Sutan :
iyo nak kabarundiang jo naro sapatah…
Naro :
Laluan lah…
Sutan :
Parundingan nan kadilaluan ka naro dek bisiak alah kadangaran kok imbau alah
kalampauan , alah tarabik kato dek sipangka sahinggo pandang jauh alah
balayangkan pandang dakek batukiak kan.
Pun
baato hanyo lai maagak ari sahari nangko satantangan jamba nan katagah iyolah
minta di samparonoi..
Alah itu bana rundiang tibo bakeh
ambo,maagak kabarinyo iyolah buliah di naro…
Naro :
Alah sampai Sutan..
Sutan :
Alah Naro…
Naro :
Tapi kok dulu kato
basitinah,kudian kato basi capek,capek
Capek juo sampainyo bakeh malin……
Sutan :
Rancak capek…
Naro :
indak rancak capek lah tibo rundiangan sipangka bakeh
sutan.
Lah tarabik kato dari sipangka sipangka
sahinggo pandang jauh alah balayangkan pandang dakek batukiak kan.
Pun
baato hanyo lai maagak ari sahari nangko satantangan jamba nan katagah iyolah
minta di samparonoi..maagak kabarinyo lah buliah di ambo kan baitu bana Sutan.
Sutan :
Iyolah
Naro :
Ma sutan …
Sutan :
Lai…
Naro :
sabanyak buah parundingan sutan nan tibo kabakeh ambo iyolah manurik adat nan
bapakai dalam cupak nan barisi.
Tapi sungguah pun dalam adat nan
bapakai dalam cupak nan barisi .sapanjang buah rundingan sutan tadi kapihak
badan diri ambo dikatokan manih alun dapek dilulua surang .
Lamak lauk di kunyah kunyah lamak kato
dipakatokan.baa sabab dek baitu sasuai juo bak undang sutan adat gununang
tumpuan kabuik di sungai jalo bamain.
Kapadang
marantang tali ka hutan bakarek kayu,tabiang ditingkek jo janji rimbo di alah
jo mufakait.tagah dek duduk dalam rapek limbago basidang dalam adat supayo
rantak nak nyo saragam,bia lenggang nak nyo saayun,suto jo turab nak nyo
salasai nak samo naiak kaantaran,di bao kato jo mufakaik mananti sutan sakatiko…
Sutan :
lah sampai naro..
Naro :
Alah sutan ..
Sutan :
Tapek dek dulu kato basitinah kudian kato basicapek capek juo kambali nyo bakeh
naro..
Naro :
Rancak capek..
Sutan :
Indak rancak capek sabanyak rundiangan ambo nan taanta bakeh naro lai
mangatokan dalam adat nan pakai dalam cupak nan barisi…
Iyolah lah rancak susunan nan bak
siriah,susunan adat jo limbago pusako niniak moyang kito.
Takalo maso dahulunyo adat ado
batangkai,limbago ado batampuak,kok undang ado talinyo.lah arek bakabek pulo
,mangabek undang jo pusako mangabek kato jo mufakat.baa dipihak diri naro
tumbuah pangan dalam hati ,nak mahelo rundiang jo mufakat.mambao kato jo
baiyo,supayo janiah bak di basuah,supayo tareh bak di tampi.
Alah dikandaki bana naro…
Naro :
Alah samapai sutan …
Sutan :
Alah…
Naro :
dek diambo kato kataengong sutan kaduduk mananti basaba sutan mananti..
Sutan :
Basaba Malah…
PARUNDINGAN DI PA IYOKAN
PARUNDINGAN DI PULANGKAN
Parundingan
dipulangkan
Naro :
Ma sutan …
Sutan :
Lai…
Naro :
Rundingan kambali kabakeh sutan.
Sutan :
di danga.
Naro :
tapi kato lamo taantaro lah tinggga-tingga tabo taratik majelih parundingan
,tinggi dilambuak gadang diamba di puji baiak karibaan sutan..
Sutan :
Kapado allah kito kambalikan.
Naro :
indak lai kapado allah , saanyak buah parundingan Sutan nan taanta bakeh ambo
ba diambo lah maambiak kato mufakaik di bao kato jo baiyo..
Kabulatan kato mufakat picak ateh
disatapiak buleh ateh sigiliang ,kok picak nyo lah elok dilayangkan ko buleknyo
lah elok di golongakan di anta sampai bakeh sutan.
Sutan :
DI DANGA.
Naro :
nan kamanjadi buah antanyo,nan ma nan taukua tajangkau
di sutan lah di ateh kato
supakat,lah itu bana nan jadi buah
antanyo.
Sutan :
Lah sampai Naro..
Naro :
Sakiro alah
Sutan :
Tapi dahulu kato basitinah kudian kato basicapek,capek juo
kambalinyo bakeh naro.
Naro :
Rancak capek.
Sutan :
indak dirancak capek,sabanyak buah parundiangan ambo
nan taanta bakeh naro,baa
di naro lah maambiak kato mufakaik di bao kato jo baiyo.
Kabulatan kato mufakat picak ateh disatapiak
buleh ateh sigiliang ,kok picak nyo lah elok dilayangkan ko buleknyo lah elok
di golongakan di anta sampai bakeh ambo.
Nan kamanjadi buah antanyo nan ma nan taukua
tajangkau di ambo lah di ateh kato supakat.kan baitu bana lalunyo naro.
Naro :
iyolah…
Sutan :
Ma Naro…
Naro :
Lai..
Sutan :
indak dek ayam barinduak karakok bajunjuang,kato barasa
lah elok dipulangkan ka
asanyo naro..
Naro : Rancak..
Sutan : kok panjang bakarek sngkek bauleh.
Naro : Samo -samo.
Sutan : Ambo anta naro..
Naro : sagirokan lah...
Parundingan
dipulangkan ka sipangka
Si
alek :
Ma Malin.
Si
pangka :
Lai sutan.
Si
alek :
parundingan kambali kabakeh malin.
Si
pangka :
di danga
Si
alek :
tapi kato lamo taantaro lah tinggga-tingga tabo taratik majelih parundingan
,tinggi dilambuak gadang diamba di puji baiak karibaan malin lah kabana jadi..
Si
pangka :
Kapado allah kito kambalikan.
Si
alek :
indak lai kapado allah , sabanyak buah parundingan malin nan taanta bakeh ambo
ba diambo lah maambiak kato mufakaik di bao kato jo baiyo..
Kabulatan kato mufakat picak ateh
disatapiak buleh ateh sigiliang ,kok picak nyo lah elok dilayangkan ko buleknyo
lah elok di golongakan di anta sampai bakeh malin.
Si
pangka :
di danga…
Si
alek :
nan kamanjadi buah antanyo satantangan jamba nan katangah yo lah elok samo kito
samparonoi.lah itu bana jadi buah barinyo…..
Si
pangka :
lah sampai sutan…
Si
alek :
di bilang lah…
Si
pangka :
ma sutan…
Si
alek :
lai…
Si
pangka :
Tapi dahulu kato basitinah kudian kato basicapek,capek juo
kambalinyo bakeh Sutan.
Si
alek :
Rancak Capek…
Si pangka : indak
dirancak capek,sabanyak buah parundiangan ambo
nan taanta bakeh sutan,baa di sutan lah
maambiak kato mufakaik di bao kato jo baiyo.
Kabulatan kato mufakat satantangan jamba nan
katangah yo lah elok samo-samo kito samparonoi kan baitu bana sutan.
Si
alek :
iyolah…
Si pangka : Dek pintak
lalai buliah,kandak lai balaku lah sanang hati.lah
elok samo- samo kito
samparonoi sutan.
Si alek :
dahulu sipangka nak samo kami iringan di balakang.
silahkan dwonload pdf dan word parundingan kamakan :
Langganan:
Postingan (Atom)